Қазақстанның көлік-логистика саласы үшін маңызды оқиға Ақтау теңіз портында өтті: жаңа контейнерлік хаб салтанатты түрде ашылып, ол трансконтиненталдық тасымалдау тізбегіндегі маңызды буын болмақ. Бұл жоба Қазақстанның Қытаймен және Еуропамен байланысын нығайтып қана қоймай, елдің халықаралық көлік бағыттарын дамытуға қосқан стратегиялық үлесін көрсетеді.
Контейнерлік хабтың ашылуы жоғары деңгейде қол жеткізілген уағдаластықтардың іске асырылуы және Шығыс пен Батыс арасындағы маршруттағы негізгі транзиттік хаб ретінде Қазақстанның позициясын нығайтуға жасалған маңызды қадам болып табылады. Болашақта экспорттық тасымалдардың өсуін қамтамасыз ететін және елдің халықаралық аренадағы бәсекеге қабілеттілігін арттыратын жобаның инвестициялық құрамдас бөлігіне ерекше назар аударылды.
«Бұл жоба инфрақұрылымды дамыту ғана емес, сонымен қатар халықаралық сауданың болашағына стратегиялық инвестициялар болып табылады. Хаб жүк өңдеуді жеделдетуге, тасымалдау тиімділігін арттыруға және жүк жөнелтушілер үшін шығындарды азайтуға ықпал етеді», – деп атап өтті Ақтау портының Басқарма төрағасының міндетін атқарушы Дәурен Құтпанбаев.
Жаңа контейнерлік хаб сонымен қатар жаңа жұмыс орындарын ашып, аралас бизнес үшін қосымша мүмкіндіктер ашады, тасымалдауды қол жетімді және тиімді ететін болады.
